الإنية والغيرية

   

اشنيا هي حكاية الانية والغيرية

هي حكاية انفصال وتواصل... كل فلاسفة يشوفوها من زاويتهم
 ..باهي حكايتنا تحكي ع انا متعالية قتلك هالانا راني آنا هي الكل في الكل انا مركز الكون وسيدة العالم ...وهالانا هذي خذات الدعم من فلاسفة الميتفايزيقا   الي يراو انو  حقيقة الذات تكمن في ذاتها معتبرينها انوو هي  جوهر قائم بذاتوو، وهالتصور الانطولوجي الميتافيزيقي يجمع بين افلاطون وديكارت وابن سينا   نعرفوه هو  التصور الي يفصل  الانا عن الاخر فهو التصور الي يفصل بين الفكر والمادة او بين الصورة والمادة ويعتبر جواهر الاشياء في صورها مثلا كي قلك حد كلمة طاولة نتي تجيك في مخك صورة طاولة يعني مش الا ما نجيبولك طاولة (مادة )بش تعرفها اذن تتحدد الاناحسب التصور هذا من جهة صورته وهي النفس او الفكر او العقل ولاتتحد اذن من جهة مادته الجسد  ... فالانا ذات عاقلة مستقلة  تثبت ذاتها بذاتها وماتحتاج لحتى اخر وبذلك تعالت وانغلقت عن نفسها ف قررت  ان تغادر عالم المحسوسات حسب افلاطون  الى عالم المثل وعالم  المحسوسات الي هو الاوهام والتقاليد والزيف والوهم و الشهوات   وعالم المثل الي هو عالم الحقيقة والفضيله يعني ماللخر الانا هي ذات الوجود ...

وجاا ديكارت  وقال انوو قيمة الذات تكمن في ذاتها  بماهي هي ذات مفكرة تحقق الوعي متاعها بالبحث في الحقائق والابتعاد عن الزيف وهذا اثبتوا بنظرية الشك (اكيد قريتوها)  وقال انو وجود الذات مرتبط بفكرهاا لا بجسمها  كي قال "انا افكر انا موجود " يعني كي يغيب التفكير يغيب وجود الانا 
الخلاصة في حكاية الميتافيزيقا  :انو تكمن حقيقة ذات في ذاتها وتعبر الاخر عرض وهم ومغالطات وبذلك انا متعالية رافضة للواقع تعبر نفسها هي الوحيدة في  العالم بل مركز العالم

يتبع

Chaymarajhi